ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ქართული ენის კვირეულის ფარგლებში, თბილისის სახელმწიფო უნივერსიტეტის მოძრაობამ, „არა ბარბარიზმებს“ საზოგადოებას კონკურსში „გავუფრთხილდეთ მშობლიურ ენას“ გამარჯვებულ მოსწავლეთა ესეების კრებული წარუდგინა. კონკურსი 2018 წელს ჩატარდა უნივერსიტეტში და მასში მონაწილეობა მთელი საქართველოს მასშტაბით 32 სკოლის 400-მდე მოსწავლემ მიიღო. კონკურსანტებმა დაწერეს თხზულება თემაზე „რატომ უნდა გავუფრთხილდეთ მშობლიურ ენას“. საკონკურსო ჟიურის სკოლებმა განსახილველად გადასცეს მათ მიერ შერჩეული 125 ესეი, რომელთაგანაც გამოვლინდა 20 გამარჯვებული მოსწავლე.
კონკურსის გამარჯვებულები 2018 წლის 14 აპრილს თბილისის სახელმწიფო უნივერსიტეტში დაჯილდოვდნენ. კონკურსი მიეძღვნა თბილისის სახელმწიფო უნივერსიტეტის დაარსებიდან 100 წლისთავს.
კონკურსის საორგანიზაციო კომიტეტის გადაწყვეტილებით გამარჯვებული ესეები დაიბეჭდა კონკურსის კრებულში, რომელიც 2019 წელს გამოსცა თსუ-მ.
ამავე დღეს მოძრაობა „არა ბარბარიზმებს“ ანგარიშით წარსდგა საზოგადოების წინაშე ერთი წლის განმავლობაში გაწეული მუშაობისა და სამომავლო გეგმების შესახებ.